Welsh Journals

O'R SWYDDFA YNG NGHAERDYDD GAN D. T. GUY CYNHALIWYD Rali Flynyddol yMyfyrwyra'rAthrawon eleni mewn tri lIe, sef Caerdydd, Abertawe ac Aberystwyth. Daeth tua 700 o fyfyrwyr i Gaerdydd Mai 17, a chafwyd darlith gan J. S. Fulton, Prifathro Coleg y Brifysgol, Abertawe, ac yn yr hwyr gan Gadeirydd y Rhanbarth, Dr. Olive A. Wheeler. Cynhal- iwyd Cyngerdd yn Nheml Heddwch yn y prynhawn a'r hwyr. Mehefin 21 yr*oedd y Rali yn Abertawe, a C. R. Morris, Is-Gang- hellor Prifysgol Leeds, yn brif siaradwr ac yn Aberystwyth caf- wyd dau siaradwr ar gais y myfyrwyr Cymraeg, sef T. H. Parry- Williams yn Gymraeg, a Gwyn JonesynSaesneg, y ddau yn Broff- esoriaid yng Ngholeg y Brifysgol. Yn ein Cyfarfod Blynyddol, a gynhaliwyd yng Nghaerdydd ar Orffennaf 19, a Dr. Olive A. Wheeler, yn y gadair, cyflwynwyd ein Hadroddiad Blynyddol am 1951-52. Ar drothwy dathlu Hanner- Canmlwyddiant sefydlu'r WEA, teimlem ein bod yn gwneud mwy na dal ein tir mewn amseroedd go galed. Nid yw rhif ein Cang- hennau cyn uchel ag y carem iddo fod, ond bu ychydig bach o gynnydd yn rhif eu haelodau. Dyma restr o'n Canghennau Abercenffig, Aberdâr, Aberpennar, Abertawe, Bargoed, Bryn Mawr, Casnewydd, Castell Nedd, Caerdydd, Caerfyrddin, Y Fenni, Glyn Ebwy, Llanelli, Llwchwr, Merthyr, Penarth, Pontardawe, Pontardulais a'r Cylch, Pontypridd, Port Talbot, Rhondda Uchaf, Rhydaman, a Threforus. Bu cryn weithgarwch yn ystod y flwyddyn i drefnu- gwell cydweithrediad rhwng y WEA a'r Undebau Llafur, drwy gyfrwng y WETUC (Workers' Educational Trades Union Committee). Trefn- wyd nifer dda o- Ysgolion Bwrw Sul ac Ysgolion Undydd gennym yn arbennig ar gyfer Undebwyr Llafur, ac er mwyn pwysleisio ochr Undebaeth Lafur ein mudiad yr wyf am neilltuo'r rhan fwyaf o'm Nodiadau y tro hwn i roddi rhestr o'r Ysgolion hyn Ysgolion Bwrw Sul Coleg y Fro, Rhoose, Gorff. 14-15, 1951, Y Stiward Siop fel Swyddog Undeb Llafur," gan N. S. Ross. (Ysgol arbennig i Stiwardiaid Siopau y T. & G.W.U.). Castell Dunraven, Southerndown, Medi 29-30, 1951. Y Safle Gydwladol," D. Hughes Lewis. Glan-y-Môr, y Barri, Hydref 13-14, 1951, "Problem yr Al- maen," I. G. John.