Welsh Journals

GWELD O'R NEWYDD GAN J. ELLIS WILLIAMS MAE Robert Schauffer, yr athronydd enwog, yn sôn yn un o'i lyfrau am siopwr ifanc a oedd yn byw yn ninas Zurich, yn y Swistir (Switzerland). Peintio lluniau oedd hobi'r gwr ifanc hwn, a gofid mwyaf 'i fywyd oedd 'i fod o'n gorfod byw mewn rhan o'r dref lle roedd 'na gymaint o hagrwch a chyn lleied o brydferthwch. Ond wrth fynd i'w wely un noson, daeth syniad newydd iddo-fo. Os ydw i'n wir artist meddai wrtho'i hun, mi ddylwn i allu gweld prydferthwch Ue nad oes neb arall yn 'i weld-o. Bore 'fory, wrth fynd i'r siop, mi geisiaf weld deg o bethau digon prydferth i'w peintio Nid deg a welodd, medda' Schauffer, ond degau. Geneth fach yn helpu hen wraig oddi ar y bws, crwtyn direidus yn dynwared osgo plismon hunan-bwysig, pelydryn o haul yn disgyn ar wallt gwyn hen wraig yn gwerthu matsus ar y palmant-roedd degau o ddarlun- iau ar y ffordd o'i lety i'r siop. Eisteddais i lawr i ryfeddu medda'r Salmydd erstalwm. Y gallu i ryfeddu sy'n gwneud bywyd yn werth i'w fyw. Y gallu hwn, medda' Socrates, ydi sylfaen gwareiddiad dyn: heb y gallu i ryfeddu, mi fasa dyn-fel anifeiliaid y maes-wedi bodloni ar yfed, a bwyta, a hiliogi, a dim arall. Dros ddwy fil o flynyddoedd ar ôl marw Socrates, mi bwysleisiwyd yr un gwirionedd gan wyddonydd mwyaf ein dyddiau ni. Y profiad prydferthaf y gall dyn ei gael meddai Einstein, yw'r ymdeimlad o ddirgelwch. Y gallu i ryfeddu ydyw ffynhonnell pob gwyddon- iaeth Schauffer, Y Salmydd, Socrates, Einstein-dewch at yr athro mwyaf ohonynt oll, Yr Arglwydd Iesu. Beth mae O yn 'i ddeud? Oddieithr eich troi chwi a'ch gwneuthur fel plant bychain, nid ewch chwi ddim i mewn i deyrnas nefoedd Fel plant bychain: oedd, roedd y gallu i ryfeddu gennym ninnau pan oeddym yn blant. Rydym yn colli'r gallu am nad ydym yn ei feithrin. I'r hwn sydd ganddo y rhoddir, ac i'r hwn nid oes ganddo y dygir oddi arno, ie, yr hyn sydd ganddo Os peidiwn â defnyddio unrhyw gynneddf, fe'i cymerir oddi arnom. Rhwymwch eich braich wrth eich ochr, ac mewn amser mi â'n ddiffrwyth. Mae'n un peth yn wir am y gallu i ryfeddu. Mi gefais brofiad personol o hynny beth amser yn ôl. Torrodd