Welsh Journals

Search over 450 titles and 1.2 million pages

Yr Athro Phillips fel Meddyg Meddwl. Chwith yw clywed am farwolaeth yr Athro David Phillips. Braint inni fu cael arweinydd o'i welediad ef mewn dyddiau dyrys. Dolen ydoedd rhwng y byd-a-fu a'r byd-a-ddaw, yn yr ystyr dymhorol a thragwyddol. Nid anghofiaf ei bregethau-bore- Satìwrn yng nghapel y Coleg tra deil fy nghof heb edwino. Cyf- arfûm yno yn y tawelwch â phrydferthwch rhyfedd y gwirionedd yn argyhoeddi'r enaid o gyfiawnder. I bererin gwan ei ffydd a'i ddeall o bethau mawr crefydd a byw, bu'r profiadau hyn oll yn ddigon i mi wybod fod rhywbeth mwy mewn "Duw" a dyn nag a welodd Freud yn The Future of an Illusion, a chefais nerth i ddal i astudio crefydd a gwerthoedd yng nghanol peiriau seiccl- eg arbrofiadol a phositifyddol hanner cyntaf yr ugeinfed ganrif. A minnau wedi mynd drwy psychoanalysis o dan Dr. Phillips, cefais gyfle da i sylwi arno wrth ei waith. Nid yn unig y mae'r un sydd yn mynd o dan y driniaeth yn ei ddinoethi ei hun; y mae'r dinoethwr hefyd yn ymddinoethi. Erbyn hyn, yr wyf wedi gweled rhai o feddygon meddwl mwya'r byd yn eu cynefin, ond profiad bythgofiadwy i mi oedd yr oedfa ddau bedair gwaith yn yr wythnos hefo'r Athro Phillips drwy Flwyddyn y Bala." Dim ond ef a minnau a'm gweithredoedd. Yr emyn a gyfyd i'm meddwl 'rwan am ryw reswm-rhe-swm da! -yw: Chwilia, f'enaid, gyrrau 'nghalon, Chwilia'i llwybrau maith o'r bron, Chwilia bob ystafell ddirgel Sydd o fewn i gonglau hon; Myn i maes bob peth cas Sydd yn atal nefol ras. A sôn am seiadau a gaed yn yr oedfa ddau Aeth yr oedfa ddau yn oedfa dri a chyflawnwyd yr Ysgrythur: "lle bynnag y byddo dau wedi ymgynnull yn fy enw i, yno y byddaf yn y canol." Temtasiwn i mi fyddai manylu ar Dr. Phillips fel seicdreidd- iwr (psycholanalayst) ond os caf fyw, mi ddaw rhyw gyfle i wneud hynny eto efallai. Digon yw dywedyd i'w graffter a'i gatholig-