Welsh Journals

LLYTHYRAU SYTH O'R SWYDDFA Tywysog Cymru, Plas Iago, Llundain, S.W. Eich Uchelder BRENHINOL, —Y mae dau ddigwyddiad yn eich hanes diweddar sydd o ddiddordeb arbennig i Gymru. Yn rhestr anrhydeddau Calan ei Fawr- hydi'r Brenin. eich tad, fe'ch dyrchafwyd mewn tri maes neilltuol ac fe ystyriwyd hyn yn arwydd hapus o sylw o'n gwlad. Y mae i'ch bwriad i ymweld â Chymru ar yr 11 o Fai i ddathlu Jubilî Arian y Brenin hefyd ei arwyddocâd cysurlawn i'r genedl. Y mae'r dull selog y paratoir at yr amgylch- iad gan raglofiaid a maerod a chynghorwyr yn ddangoseg o'r modd y'i gwerthfawrogir. SYR LAWNSLOD. Y Ford Gron. Mr. R. Lloyd, Ysgrifennydd Cronfa Goronwy Owen, Tyn-y-gongl, Mon. ANNWYL MR. LLOYD,—Ac y mae eich pwyll- gor wedi casglu dros £1,100 tuag at Gronfa Goffa Goronwy Owen! Yn ateb i'ch apêl Ŵyl Ddewi diwethaf, cawsoch roddion oddi wrth ysgolion a chymdeithasau llên drwy'r wlad a chan rai o'n cydgenedl ar wasgar. Cawsoch hanner coron gan John y Gwas o ganol Ceredigion, a deg ginigan "foneddwr o Lundain a ymwelodd â Bro Goronwy yn ystod haf 1934." Y mae'r fath gefnogaeth yn anogaeth i chwi roi cychwyn buan ar adeiladu Neuadd Goffa deilwng o'r bardd. Gobeithio y bydd yr apêl a wneir gennych eleni yr un mor llwyddiannus. Ni cheir gwell gwlatgarwyr na Dewi Sant a Goronwy Owen — yn eu ffordd eu hun. SYR LAWNSLOD. Y Ford Gron. Consul Ffrainc, Casnewydd ar Wysg, Gwent. Syr — Ymhlith eich amryw orchwylion, da gennym na ddiystyrrwch achos cyfeill- garwch rhwng Cymru a'ch gwlad eich hun. Prawf o hyn yw i chwi ymgymryd, yn hollol ar eich cyfrifoldeb eich hun. i ofyn i'ch LIywodraeth gynnig gwobrau o lyfrau i'r efrydwyr mwyaf rhugl yn y Ffrangeg yn ysgolion canolradd y cylch acw. Wrth gwrs, fe dderbyniwyd y cynnig gyda pharod- rwydd. CASTELL CONWY A'R BONT TAN UF.OLAU. ry Llun gan SMAILES, Y mae'r gŵr a fedro ddwy iaith yn gwybod dwy waith gymaint a'r gŵr na fedro onid un," ebe'r ddihareb. G\vyr pobl Casnewydd hynny'n dda. Y Ford Gron. SYR LAWNSLOD. Mr. A. S. D. Smith, Chy Caradar. Perranporth, Cernyw. ANNWYL GARADAR,—Gẇr o egni rhyfeddol a gwir sêl ydych. Wedi i chwi sgrifennu'r llawlyfr gorau sydd i'w gael ar ddysgu Cymraeg i Saeson, wele lawlyfr gennych ar ddysgu iaith Cernyw. Golygwch fisolyn, Kernow, ac ar ei 16 tudalen fe geir ysgrifau gan amryw ysgrifen- wyr Cernyweg yn gwbl yn iaith y wlad. Fe'i cyhoeddir am y pris isel o bumswllt yn y flwyddyn. At hyn fe roddwch wersi Cernyweg mewn amryw fannau a thrwy'r post, ac yr ych newydd fod yn gyd-gyfrifol am eiriadur o'r iaith. Os gellwch chwi, a chwi yn Sais, wneuthur hyn dros iaith sy'n farw, ers canrifoedd, y mae'n llwybr ni yng Nghymru yn eglur. SYR LAWNSLOD. Y Ford Gron.